សមត្ថកិច្ចចម្រុះ នៃគណៈបញ្ជាការឯកភាពខណ្ឌច្បារអំពៅ បង្ក្រាបបទល្មើសគ្រឿងញៀនបាន០៣ករណី
28-August-2018 | ដោយ ពលមនសិការ
ភ្នំពេញ៖ សមត្ថកិច្ចចម្រុះ នៃគណៈបញ្ជាការឯកភាពខណ្ឌច្បារអំពៅ ដឹកនាំដោយលោក ណុប ផា អភិបាលរងខណ្ឌច្បារអំពៅ មានកម្លាំងសាលាខណ្ឌ, នគរបាលខណ្ឌ, កងរាជអាវុធហត្ថខណ្ឌ, កម្លាំងសាលាសង្កាត់ និងកម្លាំងប៉ុស្តិ៍និរោធ បានដាក់គោលដៅត្រួតពិនិត្យអាវុធជាតិផ្ទុះនៅមុខស្ថានីយ៍ប្រេងឥន្ធនៈ PTT ផ្លូវជាតិលេខ១ ភូមិបឹងឈូក សង្កាត់ និរោធ ខណ្ឌច្បារអំពៅ បង្ក្រាបបទល្មើសគ្រឿងញៀនបាន០៣ករណី។
ករណីទី១៖កាលពីថ្ងៃទី២៧ ខែសីហា ឆ្នាំ២០១៨ វេលាម៉ោង២០និង៣០នាទី ឃាត់ជនសង្ស័យម្នាក់ ពីបទជួញដូរដោយខុសច្បាប់នូវសារធាតុញៀន។ ជនសង្ស័យឈ្មោះចាន់ រស្មី ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅ ភូមិបឹងឈូក សង្កាត់និរោធ ខណ្ឌច្បារអំពៅ។ ដកហូតបានវត្ថុតាងមាន៖ក្រាមពណ៌សថ្លា (សង្ស័យគ្រឿងញៀន) ០១កញ្ចប់ថង់តូច, ម៉ូតូ០១គ្រឿង ម៉ាក Honda Wav ពណ៌ខ្មៅ ស្លាកលេខ កំពង់ស្ពឺ1A-6555។
ករណីទី២៖កាលពីថ្ងៃទី២៧ ខែសីហា ឆ្នាំ២០១៨ វេលាម៉ោង២០និង៣០នាទី ឃាត់ខ្លួនជនសង្ស័យម្នាក់ពីបទ៖រក្សាទុកដោយខុសច្បាប់នូវសារធាតុញៀន។ ជនសង្ស័យឈ្មោះវ៉ាន់ ចាន់ថន ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករលាងរថយន្ត ស្នាក់នៅភូមិក្តីតាកុយ សង្កាត់វាលស្បូវ ខណ្ឌច្បារអំពៅ។ដកហូតបានវត្ថុតាងមាន៖ក្រាមពណ៌សថ្លា (សង្ស័យគ្រឿងញៀន) ០៤កញ្ចប់ថង់តូច, ម៉ូតូ០១គ្រឿង ម៉ាកSuzuki Viva ពណ៌ខ្មៅ ស្លាកលេខ ភ្នំពេញ 1CV-1852, ទូរស័ព្ទដៃ០១គ្រឿង ម៉ាក Nokia ពណ៌ស។
ករណីទី៣៖នៅថ្ងៃទី២៨ ខែសីហា ឆ្នាំ២០១៨ វេលាម៉ោង២១និង៣០នាទី ឃាត់ខ្លួនជនសង្ស័យ ០៣នាក់ ពីបទរក្សាទុកដោយខុសច្បាប់នូវសារធាតុញៀន។ ជនសង្ស័យទី១-ឈ្មោះគង់ រីយ៉ា ភេទប្រុស អាយុ២៨ឆ្នាំ ជនជាតិខ្មែរ មុខរបរ ជាងជួសជុលម៉ាញ៉េ ស្នាក់នៅភូមិកំពុងត្របែក ឃុំកំពង់ត្របែក ស្រុកកំពង់ត្របែក ខេត្តព្រៃវែង។ទី២-ឈ្មោះសឿង មករា ភេទប្រុស អាយុ ២១ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិកំពុងត្របែក ឃុំកំពង់ត្របែក ស្រុកកំពង់ត្របែក ខេត្តព្រៃវែង។ទី៣-ឈ្មោះលី ស៊ីម៉ី ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ ភូមិប្រាសាទ ឃុំប្រាសាទ ស្រុកកំពង់ត្របែក ខេត្តព្រៃវែង។
ដកហូតបានវត្ថុតាងមាន ៖ក្រាមពណ៌សថ្លា (សង្ស័យគ្រឿងញៀន) ០១កញ្ចប់ថង់តូច, ឧបករណ៍ជក់គ្រឿងញៀន០២កំប្លេ, ម៉ូតូ០១គ្រឿង ម៉ាកSuzuki Nex ពណ៌ក្រហម ស្លាកលេខ ភ្នំពេញ 1CD-3113។
ករណីទី៤៖កាលពីថ្ងៃទី២៧ ខែសីហា ឆ្នាំ២០១៨ វេលាម៉ោង២២និង៣០នាទី សមត្ថកិច្ចនគរបាល ប៉ុស្តិ៍ច្បារអំពៅ២ ខណ្ឌច្បារអំពៅ ឃាត់ខ្លួន ជនសង្ស័យម្នាក់នៅបន្ទប់ជួល ភូមិកណ្តាល សង្កាត់ច្បារអំពៅ២ ណ្ឌច្បារអំពៅ ពីបទ ៖ ជួញដូរដោយខុសច្បាប់នូវសារធាតុញៀន។ជនសង្ស័យឈ្មោះវ៉ាន់ ស្រីរ័ត្ន ភេទស្រី អាយុ៣៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ បន្ទប់ជួលខាងលើ។
ដកហូតបានវត្ថុតាងមាន៖ក្រាមពណ៌សថ្លា (សង្ស័យគ្រឿងញៀន) ១៥កញ្ចប់ថង់តូច, ទូរស័ព្ទដៃ០២គ្រឿង (ម៉ាកNokia ពណ៌ខ្មៅ,ម៉ាកHiya ពណ៌ក្រហម)។ បច្ចុប្បន្នជនសង្ស័យត្រូវបានកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីបន្តនីតិវិធី ៕
ចំនួនអ្នកទស្សនា
- ថ្ងៃនេះ1901
- ម្សិលមិញ16391
- សប្តាហ៍នេះ48131
- ខែនេះ163281
- ឆ្នាំនេះ163281
- សរុប20605737